Në vazhdim të projektit DLDP, programi për decentralizim dhe zhvillim lokal, të nxitur nga Agjencia Zvicerane për zhvillim dhe bashkëpunim SDC dhe të zbatuar nga Inter cooperation, Shkodër, u zhvillua sot, në ambjentet e shkollës profesionale Eterit Rogazioniste, Lezhë, Konkursi Rajonal i Praktikave më të Mira në Qeverisjen Vendore për Qarkun Lezhë dhe Shkodër. Në konkurs morën pjesë 16 nga 53 njësitë vendore të rajonit të cilat konkuruan në 5 kategori, si Planifikimi Strategjik, Menaxhimi Financiar, Shërbimet Publike, Informimi dhe Komunikimi me qytetarët dhe Bashkëpunimi Ndërkomunal. Nëpërmjet këtij konkursi u synua promovimi i praktikave të mira ndërmjet njësive të qeverisjes vendore pjesëmarrëse si dhe shkëmbimi i eksperiencave në mënyrë që të nxitet zgjerimi i ideve të reja në sa më shumë njësi. Në hapjen e këtij aktiviteti, ne seancen plenare, përshëndetën Ambasadorja e Konfederatës Zvicerane në Shqipëri, Zj.Yvane Enzler, Zv.Ministri i Punëve të Brendshme Z.Ferdinand Poni, Kryetari i Këshillit të Qarkut Lezhe, Z.Bardh Rica dhe Zj.Valbona Karakaci, menaxhere e projektit. I pranishëm në takim ishte edhe Prefekti i Qarkut Lezhë,  Z.Pal Dajci. Bashkia Lezhe konkuroi ne fushen e Sherbimeve Publike, me projektin e Grumbullimit dhe Menaxhimit te Mbetjeve Urbane ne Menyre te Diferencuar. Prezantimi i projektit u krye nga Zv.Kryetari i Bashkisë Lezhë Z.Arjan Barbullushi. Per projektin e prezantuar nga Bashkia Lezhe kishte mjaft interes dhe u bene shume pyetje. Ne perfundim, nje Juri e specializuar e kompetente dha cmimet. U deklaruan fitues:  Bashkia Shkodër, Komuna Bushat, Bashkia Lezhë, Komuna Dajç (Shkodër) si dhe Bashkia Rubik në bashkëpunim me Bashkinë Rrëshen. Pjese e rendesishme e konkursit ishte edhe panairi i organizuar nga bashkite e komunat pjesmarrese. Stenda e Bashkise Lezhe, e konceptuar ne dy pamje, ku njera kishte materiale ilustrative, foto e grafike nga projekti dhe arritjet e bashkise ne vitet e fundit dhe tjetra permbante disa nga botimet me kryesore te Bashkise, si Strategjia e Zhvillimit Ekonomik te qytetit, Plani i Veprimit ne Mjedis, Buletinet e fundit informative, flete palosje etj, per te cilat pati interes dhe u kerkuan materiale nga pjesemarresit. Ky konkurs vjen pas fazës së parë të vizitave në terren nëpër të gjitha njësitë vendore dhe njohjen nga afër të praktikave të punës si dhe të kapaciteteve të secilës njësi për menaxhimin e projekteve dhe aseteve. Projekti do të vazhdojë më tej me aplikimin për financim projektesh për të cilin janë vënë në dispozicion 950 mijë euro nga Bashkëpunimi Zviceran. Bashkia Lezhe do te vijoje konkurimin si pjesemarrese aktive ne kete projekt.