Zyra e Auditimit te Brendshem organizon, drejton e kontrollon gjithë aktivitetin  për njohjen e legjislacionit bazë që i duhet gjatë punës stafit të kontrollit.Mbas miratimit të programit, ndjek e kërkon në vazhdimësi zbatimin e programit vjetor të kontroll-revizionit dhe atij të kontrollit-tematik. Bazuar në programin vjetor të kontrollit, harton programe mujore të kontrollit. Vlerëson raportin e kontrollit (vlerësim teknik), të hartuar nga grupi i kontrollit së bashku me të gjithë elementët e tjerë te dosjes së kontrollit dhe ia paraqet për miratim Kryetarit të Bashkisë. Mbas miratimit të raportit nga Kryetari i Bashkisë i kërkon grupit te kontrollit hartimin e dokumenteve përfundimtare të kontrollit. Kërkon dhe kontrollon zbatimin e përfundimeve të kontrollit nga subjektet e kontrolluara, në afatet e kërkuara nga aktet ligjore. Drejton kontrollin ekonomiko-financiar (vlerësimet e dëmeve etj.) në raste të emergjencave civile dhe në cdo rast kur kërkohet me ligj të vecantë. Paraqet raportin e kontrolleve të kryera sa herë që e kërkon Këshilli Bashkiak dhe strukturat e tjera të qeverisjes vendore, konform ligjit. Harton njoftimin për punën e kryer (për efekt statistikor) për rezultatet e kontrollit dhe realizimin e planit të kontrollit, për Prefekturën dhe Qarkun, sa herë që kërkohen; .

Realizon vlerësimin teknik për raportet e kontrolleve të jashtme që i bëhen Bashkisë dhe ia paraqet Kryetarit të Bashkisë. Objekti i kontrollit te Zyres se Auditimit te Brendshem eshte kontrolli i ndërmarjeve dhe institucioneve shtetërore, buxhetore e jo buxhetore të vartësisë së Bashkisë e të vetë Bashkisë; Kontrolli për organizimin dhe mbajtjen e kontabilitetit, rregullshmërinë e dokumentacionit për administrimin, ruajtjen, dokumentimin e vlerave monetare, për saktësinë e llogaritjes së kostos etj; Kontrolli i efektivitetit te përdorimit të fondeve buxhetore si dhe ato nga të ardhurat e vet Bashkisë dhe të sektorëve të tjerë të brendshëm të saj; Kontrolli, në cdo moment që i kërkohet nga Kryetari i Bashkisë, i cdo lloj shpenzimi që bën Bashkia dhe subjektet në vartësi, si në fushën e investimeve dhe në shpenzimet operative, duke kontrolluar respektimin e akteve ligjore e detyrave që shtron vetë Kryetari; Kontrolli në disa subjekte njëherësh për të eleminuar tendencat e gabuara në cështje si:-blerjet e vogla, inventarizimi, dhënia me qera, nxjerrja jashtë përdorimit, administrimi i bazës materiale, verifikimi i materialeve të furnizuara e elementë të tjerë të administrimit ekonomiko financiar etj;