Prane Bashkise Lezhe funksionon Inspektoriati Ndertimor Urbanistik, i cili nepermjet kryeinspektorit dhe inspektoreve, ushtron pergjegjesite e kontrollit dhe te zbatimit te ligjshmerise e te standarteve teknike ne fushen e ndertimit dhe urbanistike dhe ato te parashikuara me ligje te tjera, ne territorin brenda juridiksionit administrativ te Bashkise Lezhe. Struktura e Inspektoriatit Ndertimor Urbanistik te bashkise eshte miratura me vendim te Keshillit te Bashkise Lezhe, me propoizimin e kryetarit te bashkise, Z.Viktor Tushaj. Inspektoriati Ndertimor Urbanistik drejtohet nga kryeinspektori, i cili emerohet nga Kryetari i Bashkise. Per permbushjen e detyrave te percaktuara me ligj, Inspektoriati Ndertimor Urbanistik i bashkise mbeshtetet nga Policia e Bashkise.

Gjate ushtrimit te pergjegjesive te parashikuara me ligj, Inspektoriati Ndertimor Urbanistik vendos përmbushjen e detyrimeve ligjore në fushën e ndërtimit dhe urbanistikës; vendos gjoba sipas llojit të shkeljeve të dispozitave ligjore në fushën e ndërtimit dhe urbanistikës; paraqet pranë organeve përkatëse kërkesën për heqje të licencës profesionale personale ose të shoqërisë, në rast të ndërtimit pa leje, si dhe në rastet kur vëren shkelje të kushteve teknike të zbatimit, projektimit dhe shkelje të masës së pezullimit të punimeve të ndërtimit; vendos pezullimin e punimeve në ndërtim në rastin kur një afat kohor paraprak është i nevojshëm për marrjen e vendimit për përmbushjen e detyrimeve ligjore në fushën e ndërtimit dhe urbanistikës; vendos  prishjen e ndërtimit të kundërligjshëm; përgatit kallëzimin penal për veprat penale të konstatuara gjatë ushtrimit të kontrollit dhe e paraqet atë pranë organeve përgjegjëse, sipas legjislacionit në fuqi; jep informacionin e kërkuar Inspektoratit Ndërtimor e Urbanistik Kombëtar, si dhe krijon të gjitha lehtësitë për përmbushjen e detyrave të këtij Inspektorati.

Brenda 10 ditëve nga marrja e kopjes së procesverbalit ose e njoftimit për rezultatin e kontrollit, inspektorët e inspektoratit ndërtimor e urbanistik të bashkisë nxjerrin vendimin për marrjen e masave përkatëse dhe dhënien e sanksioneve administrative, i cili nënshkruhet nga kryeinspektori. Pezullimi i punimeve në ndërtim ka afat deri në 10 ditë. Inspektorati ndërtimor e urbanistik i bashkisë/komunës/qarkut/kombëtar merr vendimin për shkeljen e konstatuar brenda afatit 10-ditor të sipërpërmendur. Vendimet e inspektoratit ndërtimor e urbanistik të bashkisë parashikojnë afate për zbatimin e tyre deri në 60 ditë, sipas llojit të shkeljes. Përjashtimisht, vendimet për prishjen e ndërtimit  të kundërligjshëm kanë afat deri në 30 ditë për zbatimin e tyre