Drejtoria e Finances Buxhetit

Përpilon dokumentacionin e nevojshëm për hartimin e projekt-buxhetit. Kontrollon zbatimin e buxhetit. Rregjistron të gjitha detyrimet e institucion. Drejton e organizon punën e sektorëve në përputhje me aktet ligjore e nënligjor. Përfundon korrespondencën me Institucione te tjera për problemet që mbulon Drejtoria. Në përputhje me detyrat funksionale u cakton detyra specialistëve, ndjek dhe analizon zbatimin e tyre. Nëpërmjet analizave, seminareve, interpretimeve shkresore dhe verbale të akteve normative, ligjore dhe nënligjore, kontrollit direkt dhe nëpërmjet specialistëve, ndihmon në aftësimin profesional te punonjesve qe merret me administrimin e fondeve buxhetore. Informon eprorin direkt në periudha të caktuara dhe në çdo rast të kërkuar prej tij për plotësimin e problemeve të dala në realizimin e buxhetit. Propozon masa për shkeljet të disiplinës buxhetore në instancat përkatese sipas ligjeve në fuqi. Bën transferimin e fondeve në favor të këtyre ndërmarrjeve. Përgatit dokumentacionin për realizimin e buxhetit të vitit financiar të mbyllur dhe e paraqet nëpërmjet eprorit direkt për miratim në Këshillin Bashkiak. Koordinon punën me drejtoritë e tjera të Bashkisë lidhur me kërkesat për fonde dhe ia paraqet eprorit direkt për ndryshime në buxhetin e vitit ushtrimor. Organizon dhe drejton punen per ruajtjen dhe administrimin e vlerave materiale dhe monetare. Kontrollon ligjshmërinë e financimeve të investimeve që realizohen nga Institucioni. Ndjek zbatimin e ligjshmërisë në ruajtjen, dokumentimin, qarkullimin dhe administrimin e vlerave monetare e materiale. Në koordinim me drejtoritë e tjera evidenton kërkesat për fonde investimesh dhe i paraqet ne instancat e duhura ligjore.